• I. DISPOSICIÓNS XERAIS

Art. 1.- Denominación
Art. 2.- Domicilio e Ámbito territorial
Art. 3.- Carácter
Art. 4.- Fins e Actividades da Asociación
Art. 5.- Dos asociados
Art. 6.- Dereitos e Obrigacións dos Asociados
Art. 7.- Dos Colaboradores

• II. RÉXIME DE ORGANIZACIÓN E FUNCIONAMENTO

Art. 8.- Organización e funcionamento Democrático
Art. 9.- Órganos de Goberno, Representación e Consulta
Art. 10.- Sesións da Xunta Directiva

• III. RÉXIME DE ADMINISTRACIÓN, CONTABILIDADE E DOCUMENTACIÓN

Art. 11.- O réxime de administración da UNIÓN
Art. 12.- Obrigacións documentais e contables

• IV. PATRIMONIO INICIAL E RECURSOS ECONÓMICOS

• VI. CAUSAS DE DISOLUCIÓN E DESTINO DO PATRIMONIO

• VII. LIQUIDACIÓN DA UNIÓN

Capítulo I: Disposicións xerais

Art. 1.- Denominación

A presente UNIÓN denomínase "UNIÓN DE ASOCIACIÓNS TITULARES DE TECORES (terreos cinexéticamente ordenados) DE GALICIA "UNITEGA"

Art.5.- Dos Asociados

Requisitos e modalidade de admisión e baixa, sanción e separación dos asociados e clase destos:

A) Requisitos:
1. Ser tecores legalmente constituídos, con ámbito territorial na Comunidade Autónoma de Galicia.
2. Paga-la cota que anualmente se estableza pola UNIÓN.
B) Modalidades de admisión e clases de socios:
1. Socios fundadores, terán esa condición tódolos tecores que subscriban a Acta Fundacional e presenten acordo válidamente adoptado polo órgano de goberno competente no que apareza a vontade de constitui-la UNIÓN, formar parte dela e designar á persoa física que a represente e ó seu suplente.
2. Adquirirán a condición de socios de número os tecores legalmente constituídos con ámbito territorial na Comunidade Autónoma de Galicia, sempre que así o soliciten mediante escrito dirixido ó Presidente da UNIÓN e desde o momento en que acompañen o acordo válidamente adoptado polo órgano de goberno competente no que apareza a vontade de adherirse á UNIÓN, formar parte dela e designar á persoa física que a represente e ó seu suplente.
C) Baixa dos socios: Os socios poderán causar baixa polos seguintes motivos:
1. Vontade propia.
2. Observar conducta que prexudique gravemente os intereses da UNIÓN, previa proposta da Xunta Directiva, con audiencia do interesado e acordo adoptado ó efecto pola Asemblea Xeral.
3. Deixar de cumpri-los requisitos necesarios para a condición de asociado.
D)Sanción:
Os socios poderán ser sancionados pola Xunta Directiva, previa instrucción do correspondente expediente pola Xunta Directiva, con audiencia do interesado. Contra o acordo sancionatorio da Xunta Directiva, os sancionados poderán presentar recurso ante a Asemblea Xeral na primeira sesión ordinaria que esta celebre. As sancións poderán comprender dende a suspensión dos seus dereitos de 1 mes a 5 anos e incluso a suspensión definitiva ou baixa.

Art. 6.- Dereitos e Obrigacións dos asociados

Os socios teñen os seguintes dereitos:
a) Participar nas actividades da UNIÓN e nos órganos de goberno e representación, a exerce-lo dereito de voto, así como a asistir a Asemblea Xeral, dacordo cos Estatutos.
b) A ser informado da composición dos órganos de goberno e representación da UNIÓN, do seu Estado de Contas e do desenvolvemento da súa actividade.
c) A ser escoitado con carácter previo á adopción de medidas disciplinarias contra el e a ser informado dos dereitos que den lugar a tales medidas, debendo ser motivado o acordo que, no seu caso, impoña a sanción.
d) A impugna-los acordos dos órganos da UNIÓN que estime contrarios á Lei ou ós Estatutos.
e) A separarse voluntariamente da UNIÓN en calquera tempo. Os socios teñen os seguintes deberes:
a) Comparti-los fins da UNIÓN e colaborar para a consecución dos mesmos.
b) Paga-las cotas, derramas e outras aportacións, que, dacordo cos Estatutos, poidan corresponder a cada socio.
c) Cumpri-lo resto das obrigas que resulten das disposicións estatutarias.
d) Acatar e cumpri-los acordos válidamente adoptados polos órganos de goberno e representación da UNIÓN.

Art. 7.- Dos Colaboradores

Serán colaboradores: Aquelas persoas físicas ou xurídicas que desexando colaborar na consecución dos fins da UNIÓN, o soliciten á Xunta Directiva e sexan recoñecidos como tales por acordo da Asemblea Xeral.
Os colaboradores poderán participar nas sesións dos órganos de goberno e consulta con voz sen voto, sempre que sexan requeridos ó efecto polos mesmos.

CapituloII. Réxime de organización e funcionamento

Art. 9.- Órganos de Goberno, Representación e Consulta

A) A ASEMBLEA XERAL:
A Asemblea Xeral é o órgano supremo de goberno da UNIÓN, integrada polos asociados, que adopta os seus acordos polo principio maioritario ou de democracia interna e deberá reunirse en sesión ordinaria polo menos unha vez ó ano, e en sesión extraordinaria cando así o acorde o Presidente, a Xunta Directiva ou un dez por cento dos asociados.
A Asemblea Xeral constituirase válidamente, previa convocatoria efectuada quince días antes da reunión, cando concorran a ela, presentes ou representados, un tercio dos asociados, ademáis do Presidente e Secretario ou de quen estatutariamente os sustitúan.
Os acordos da Asemblea Xeral adoptaranse por maioría simple dos presentes ou representados, cando os votos afirmativos superen ós negativos. Non embargante, requerirán maioría cualificada dos presentes ou representados que resultará cando os votos afirmativos superen a metade, os acordos relativos á disolución da UNIÓN, modificación dos Estatutos, disposición ou enaxenación de bens e remuneración dos órganos de representación.

A Asemblea Xeral tratará na sesión ordinaria anual como mínimo os seguintes asuntos:

a) A aprobación das actas das sesións anteriores.
b) A discusión e aprobación do orzamento para o exercicio seguinte.
c) A aprobación das contas anuais
d) A aprobación do Regulamento de Réxime interno da UNIÓN, de se-lo caso.
e) Rogos e preguntas dos socios.

Nas sesións extraordinarias da Asemblea Xeral trataranse, entre outros, os seguintes asuntos:

a) A modificación de estatutos.
b) A elección da Xunta Directiva.
c) A adopción do acordo de expulsión ou sanción dun socio cando cometa algunha infracción tipificada como tal nos presentes Estatutos.
d) A adopción do acordo de disolución da UNIÓN.
e) A discusión e votación de cantas propostas lle sexan presentadas pola Xunta Directiva.

De cada sesión que celebre a Asemblea Xeral, o Secretario levantará acta, especificando a orde do día, data, puntos principais de deliberación, así como o contido dos acordos adoptados.

B) A XUNTA DIRECTIVA:
É o órgano de representación da UNIÓN, que xestiona e representa os seus intereses, dacordo coas disposicións e directivas da Asemblea Xeral. Só poderán formar parte do órgano de representación os asociados. Para ser membro dos órganos de representación da UNIÓN, sen prexuizo do que establezan os seus respectivos estatutos, serán requisitos indispensables: ser maior de idade, estar en pleno uso dos dereitos civís, non estar incurso nos motivos de incompatibilidade establecidos na lexislación vixente e seguir obstentando a representación do Tecor que o designou.

COMPOSICIÓN:
A Xunta Directiva estará formada por un Presidente con funcións de Coordinador Xeral, un Secretario, un Tesoureiro, catro vocais con funcións de Coordinadores Provinciais, un vocal con funcións de Coordinador da Comisión de Comunicación, un vocal con funcións de Coordinador da Comisión Legal, un vocal con funcións de Coordinador da Comisión Técnica e Científica e un vocal con funcións de Coordinador da Comisión de Caza e Xestión Sostible.
Corresponde á Xunta Directiva a adopción de toda clase de acordos, excepto aqueles para os que se requira expresamente acordo da Asemblea Xeral.
A Xunta Directiva se elexirá por un período de catro anos. A convocatoria das eleccións corresponde ó Presidente, que poderá adiantalas, pero nunca sobrepasar o prazo máximo de catro anos de mandato. As candidaturas poderán presentarse dende a convocatoria a eleccións ata os dez días anteriores a proceder á votación. A convocatoria a eleccións farase como mínimo cun mes de antelación á celebración das mesmas. Só se admitirán candidaturas que estean avaladas polo menos por un 25% dos asociados. Para ser candidatos ós cargos da Xunta Directiva, estos deberán ter unha antigüidade mínima de dous anos, a contar dende o momento en que se presente a candidatura e que estean ó corrente de pago nos recibos da UNIÓN. Resultará elixida a lista que obteña o maior número de votos válidos.
Os membros do órgano de representación poderán recibir indemnizacións polo desempeño do seu cargo, debendo constar as mesmas nas contas anuais da UNIÓN aprobadas pola Asemblea Xeral.
A Xunta Directiva reunirase en sesión ordinaria unha vez cada trimestre.
Se dimitise ou causara baixa definitiva algún membro da Xunta, ésta nomeará un substituto.
Se quen dimitise ou causara baixa definitiva fose o Presidente ou a maioría dos membros da Xunta Directiva, o Secretario convocará eleccións.

Funcións do Presidente:

a) Exercer de Coordinador Xeral e representar á UNIÓN ante toda clase de persoas, autoridades e entidades públicas ou privadas.
b) Realiza-las convocatorias da Xunta Directiva e da Asemblea Xeral e fixa-la orde do día, tendo en conta, no seu caso, as peticións formuladas polos demáis membros da Xunta coa suficiente antelación.
c) Presidi-las sesións da Xunta Directiva e da Asemblea Xeral.
d) Modera-lo desenvolvemento dos debates.
e) Dirimir co seu voto os empates producidos tanto na Xunta Directiva como da Asemblea Xeral.
f) Velar polo cumprimento das leis, dos fins da asociación e dos presentes Estatutos.
g) Asinar actas e certificacións dos acordos da Xunta Directiva e da Asemblea Xeral.
h) Executa-los acordos da Xunta Directiva e da Asemblea Xeral, podendo para o mesmo realizar toda clase de actos e asinar os documentos necesarios a tal fin.
i) Cantas funcións sexan inherentes ó seu cargo.Nos casos de vacante, ausencia ou enfermidade, o Presidente será substituido pola persoa que designe a XUNTA DIRECTIVA.

Funcións do Secretario:
O Secretario desempeñará as mesmas funcións que os vocais e ademáis lle corresponde:

a) Custodia-la documentación da UNIÓN.
b) Efectua-las convocatorias da Xunta Directiva de da Asemblea Xeral por orden do Presidente, ou, no seu caso, pola petición da maioría dos membros da Xunta, ou pola petición do 10% dos socios.
c) Redactar e autorizar coa súa sinatura as actas das sesións da Xunta Directiva e da Asemblea Xeral.
d) Expedir certificacións das consultas, dictámenes, acordos aprobados e de calquera outro documento da UNIÓN.No caso de vacante, ausencia ou enfermidade do Secretario, estes será substituido polo Vocal de menor idade ou membro da Xunta en quen delegue.

Funcións do Tesoureiro:
O Tesoureiro exercerá as mesmas funcións que os vocais e ademáis lle corresponde:

a) Leva-la contabilidade da UNIÓN.
b) Inventaria-los bens da UNIÓN.
c) Autorizar coa súa sinatura os mevementos bancarios, pagos, mercas e demáis operacións económicas, que previamente autorizara o Presidente dentro das súas atribucións.

Funcións dos Vocais:

a) Asisti-la Xunta, emiti-lo seu voto, para o cal deberá recibir cunha antelación mínima de 48 horas a orde do día.
b) Formular rogos e preguntas, así como suxeri-los puntos da orde do día, tanto da Xunta Directiva como da Asemblea Xeral.
c) dereito a obter información puntual da marcha da sociedade.
d) Cantas funcións sexan inherentes á súa condición de membro da Xunta.
e) Convocar, presidir e modera-los debates da Comisión á que pertenza, ou no seu caso, coordinar ós tecores asociados do ámbito provincial respectivo.

Art. 10.- Sesións da Xunta Directiva
A convocatoria se realizará polo Presidente ou cando o solicite un tercio dos sompoñentes da Xunta Directiva, sempre cunha antelación mínima de 8 días.
Para a válida adopción de acordos da Xunta Directiva é necesario que asistan polo menos a maioría dos seus membros, e que entre eles se atopen o Presidente e o Secretario ou quen os substitúa dacordo cos presentes Estatutos.
Unha vez constituida, A Xunta Directiva toma os seus acordos por maioría dos asistantes, tendo o Presidente voto de calidade no caso de empate.
Non poderá ser obxecto de deliberación ningún asunto que non estea na orde do día, salvo que estando presentes tódolos membros da Xunta se declare a urxencia do mesmo polo voto favorable da maioría dos asistentes que en calquera caso represente a metade máis un do número estatutario dos seus compoñentes.
De cada sesión que celebre a Xunta Directiva levantará acta o Secretario, especificando a orde do día, data, resultado da deliberación, así como os acordos adoptados.
As actas se lerán, e no seu caso, se aprobarán na seguinte sesión.

FUNCIÓNS DOS ÓRGANOS DE CONSULTA:

COMISIÓN DE COMUNICACIÓN:

a) Creación dun boletín informativo periódico.
b) Creación e mantemento dunha páxina web.
c) Divulgación das actividades da asociación a tódolos medios de comunicación.
d) Comunicación fluída cos socios.
e) Edición de folletos divulgativos ou similares para proporcionar unha formación adecuada ós socios.
f) Edición dos estudios e manuais da Comisión Técnica e Científica.
g) Recompilación de Títulos bibliográficos e de videos relacionados coa actividade cinexética para poñer a disposición dos socios.

COMISIÓN LEGAL:

a) Estudio do desenvolvemento e aplicación da Lei e o Regulamento de Caza de Galicia e do resto da lexislación que afecta á caza na nosa comunidade.
b) Asesoramento ós socios en tódolos aspectos legais que lles afecten para o desenvolvemento da actividade cinexética.
c) Recompilación das Leis que afecten na actualidade ó desenvolvemento da caza.

COMISIÓN CIENTÍFICA E TÉCNICA:

a) Marca-las pautas a seguir para desenvolver unha xestión sostible da actividade cinexética nos Tecores.
b) Colaborar coa Comisión de Comunicación na edición de folletos que contribúan á educación dos cazadores galegos.
c) Analiza-los aspectos técnicos e científicos que afecten á caza das especies cinexéticas, os seus períodos e condicións de caza.
d) Estudios das especies cinexéticas galegas e divulgación dos resultados.
e) Elaborar propostas á Asemblea Xeral sobre a Orde Anual de Vedas.
f) Elaboración de manuais para a xestión sostible dos Tecores.

COMISIÓN DE CAZA E XESTIÓN SOSTIBLE:

a) Estudiar e desenvolver aspectos relacionados coa ética da caza en Galicia.
b) Consensuar e asesorar ó resto de Comisións na forma de transmiti-la información ós cazadores.
c) Elaborar propostas sobre Caza Maior, Caza Menor e Modalidades Minoritarias.
d) Elaborar propostas para establecer convenios de colaboración con outras Asociacións ou estamentos relacionados coa actividade cinexética.

Capítulo III. Réxime de Administración, Contabilidade e Documentación.

Art. 11.- O réxime de administración da UNIÓN
O réxime de administración da UNIÓN, no que se refire á súa constitución e inscrición, se determinará polo que establece a Lei Orgánica 1/2002, de 22 de marzo.
Para ó seu réxime interno,a UNION, debera axusta-lo seu funcionamento de tal maneira que as facultades do órgano de representación se extenan, con carácter xeral, a tódolos actos propios das finalidades da UNIÓN, sempre que non requiran, conforme ós Estatutos, autorización expresa da Asemblea Xeral. Obrigacións documentais e contables.

Art. 12.- Obrigacións documentais e contables
A UNIÓN disporá dunha relación actualizada dos seus asociados, levará unha contabilidade que permita obte-la imaxe fiel do patrimonio, do resultado e da situación financeira da UNIÓN, así como as actividades realizadas, efectuar un inventario dos seus bens e recoller nun Libro de Actas das reunións dos seus órganos de goberno e representación. Deberán levar a súa contabilidade conforme ás normas específicas que lles resulten de aplicación.
Os asociados poderán acceder a toda a documentación que se relaciona no apartado anterior, a través dos órganos de representación, nos termos previstos na Lei Orgánica 15/1999, de 13 de decembro, de protección de datos de carácter persoal.

As contas da UNIÓN aprobaranse anualmente pola Asemblea Xeral.

Capítulo IV. Patrimonio inicial e recursos económicos

Art. 13.- Patrimonio inicial e recursos económicos
A UNIÓN carece de patrimonio inicial ó constituirse.
A UNIÓN someterase ó rexime de orzamento e patrimonio propio coas seguintes limitacións:

a) Non poderá destinar os seus bens a fins insdustriais, comerciais, profesionais ou de servicio, nin exercer actividades de igual carácter co fin de repartir beneficios entre os seus socios.
b) Os ingresos aplicaranse íntegramente á conservación e realización do obxecto social. A UNIÓN utilizará para o cumprimento dos seus fins os seguintes recursos económicos:
a) As cotas dos socios.
b) Primas ou donativos de colaboradores.
c) Subvencións, axudas ou derramas que reciba de terceiros.

Capítulo V. Modificación dos Estatutos

Capítulo VI. Causas de disolución e destino do patrimonio

Art. 15.- Disolución:

A UNIÓN disolverase polas seguintes causas:

a) Vontade dos asociados expresada en Asemblea Xeral convocada a tal efecto.
b) Polas causas determinadas no artigo 39 do Código Civil.
c) Por sentencia xudicial firme.

En tódolos supostos de disolución deberá darse ó patrimonio o destino previsto no capítulo VII dos presentes Estatutos.

Capítulo VII. Liquidación da UNIÓN

Art. 16.- Liquidación
A disolución da UNIÓN abre o período de liquidación, ata o fin do cal a Entidade conservará a súa personalidade xurídica.
Os membros do órgano de representación no momento da disolución convértense en liquidadores, salvo que os designe a Asemblea Xeral, ou o xuíz que acorde a disolución. Corresponde ós liquidadores:

a) Velar pola integridade do patrimonio da UNIÓN.
b) Conclui-las operacións pendentes e efectúa-las novas que sexan precisas para a liquidación.
c) Cobra-los créditos da UNIÓN.
d) Liquida-lo patrimonio e pagar ós acreedores.
e) Aplica-los bens sobrantes da UNIÓN ós fins previstos polos Estatutos.
f) Solicita-la cancelación dos asentos no Rexistro.

En caso de insolvencia da UNIÓN, o órgano de representación ou, se é o caso, os liquidadores promoverán de inmediato o oportuno procedemento concursal ante o xuíz competente.